مدرسة صرفند الأساسية للبنين
كل عام وأنتم بخير بمناسبة بداية العام الدراسي الجديد2010-2011

مدرسة صرفند الأساسية للبنين

أهلاً وسهلاً بكم في منتديات مدرسة صرفند _غزة_الشيخ رضوان_خلف ابراج المقوسي
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول
نخبركم بأنه تم افتتاح منتدى المتفوقين على الرابط التاليwww.reefaq.yoo7.com ونرجوا منكم التسجيل في المنتدى والمشاركة

شاطر | 
 

 حوار فلسطيني بالامثال جدييييييييييييد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمد عواد
المراقب العام
المراقب العام
avatar

عدد المساهمات : 232
نقاط : 2115
السٌّمعَة : 0
تاريخ التسجيل : 23/11/2009
العمر : 21
الموقع : www.1dn1.yoo7.com

مُساهمةموضوع: حوار فلسطيني بالامثال جدييييييييييييد   24/11/2009, 12:38 pm

حوار فلسطيني بالامثال جدييييييييييييد


(حوار بين شخصين يستخدمون الامثال الفلسطينية في حوارهم ولكي تستمتعو بالموضوع حاولو قراءته باللهجة الفلسطينية )

أبو فلسطين :ألي مكتوب على الجبين بشوفه العين يا اخوي

أبو سعود : دخلك يا أبو فلسطين اشو آخر الأخبار؟

أبو فلسطين: شو بتتوقع يعني.. "أتبدلت غزلانها بقرود".

أبو سعود: مفهمتك ؟



أبو فلسطين: يعني بصراحة أعطوهم الثقة وهم ما يستحقوها خاصة هذا اللي "أجا ونام عنا ليلة وساوى حاله من العيلة"!!

أبو سعود: مش هيك ألحكي يا أبو فلسطين والزلمة لسه "ما بنعرف خيره من شره".



أبو فلسطين: أي والله لو"حبسوه مع ابليس في كيس بطلع ابليس يستغيث" هذا "زي البرد سبب كل علة".



أبو سعود: لـه يا زلمة "الحيطان الها ودان" "احنا بنمشي الحيط الحيط وبنقول يارب السترة".



أبو فلسطين: ولليش الخوف؟ أي والله " الساكت عن الحق زي الناطق في الباطل". بعدين اشو اللي بدو يصير؟ "مابصير اكثر من اللي صار" ، والمثل بيقول "النعجة المذبوحة ما يوجعهاش السلخ"..

أبو سعود: يازلمة "مش كل اللي بنعرف بنقال".

أبو فلسطين: بصراحة يا أبو سعود "اللي بعمل حاله نخالة تنقه الجاج" واللي قاعد بصير ما بينسكت عليه..



أبو سعود: شوف يا أبو فلسطين الحكاية أكبر من صاحبك. هذي يا عمي أمريكا و"حدا بقدر يقول للغول عينك حمرا" ؟



أبو فلسطين: واشو يعني أمريكا مادام المسألة بتخص هالأرض .. لأنو يا أبو سعود "اللي بفرط بأرضه بفرط بعرضه" مش قالوا "الأرض عرض " ؟



أبو سعود: معلش لكن احنا "مش قدها" و"ليش نعمل حالنا أبو علي".

أبو فلسطين: يا حبيبي " التعوير في الوش.. مافيهوش معلش".

أبو سعود: والله اشو بدي اقول "طاسة وضايعة".



أبو فلسطين: أبداً الطاسة مش ضايعة و"خيرنا مابصير يروح لغيرنا" وهذا مش خيرنا وبس هذي أرضنا بتضيع ودمنا اللي بيسيل .



أبو سعود: لكن الصحيح احنا لازم نرضى باللي قاعدين
برتبوه النا حتى لو ضاع اشي من حقوقنا لأنه "نص العمى
ولا العمى كله" وزي ما بقول المثل :"بلا أهون من بلا
والكساح أهون من العمى ".



أبو فلسطين: شوف يا ابو سعود "لاتدير قفاك للدبابير وتقول منايا وتقادير".

أبو سعود: والله يابوفلسطين أنا معك لكن بعد اللي صار في العراق شكله "الدور علينا" و"الحبل على الجرار" والمثل بيقول "طيع لاتضيع" و"خليك على مقرودك ليجيك اقرد منه".

أبو فلسطين: والله إذا بدك تطاوع الأمريكان راح تنذل وتنهان والمثل برضه بقول " الحق الغراب بدلك على الخراب" و"هذي أمريكا وهذي بلاويها" .

أبو سعود: يا عمي "اللي ما إنت طوله لاتطاوله" و"هذا الحكي ما بجيب خبز" لكن أمريكا يمكن تجيب النا شوية خبز!

أبو فلسطين: والله "عشم ابليس في الجنة" ويا "طالب الدبس من ذيل النمس" و"إذا كنت نسيت بأذكرك" وعلى رايهم "إذا كنت نسيت اللي جرى هات الدفاتر تتقرا" وانت نفسك شفت شو عملوا في العراق و"اللي بياكل رغيف الظالم بحارب بسيفه" بتقبل تكون هيك يا بوفراس؟

أبو سعود: أنا ما بقول نتخلى عن حقنا لكن "بالتي هي أحسن".

أبو فلسطين: يا بوسعود إحنا اصحاب حق و"الطلب الهين بيضيع الحق البين" و"الحق اللي وراه مطالب مابيموتش".

أبو سعود: بس خلينا نجرب "لعل وعسى"، بعدين "زمان أول تحول" ويمكن انو أمريكا تغير من سياساتها لصالحنا هالمرة.

أبو فلسطين: والله يا ابو سعود "اللي أصله ........لازم ينبح" و"وين ما بقعد بنجس" و"اللي فيه طبع ما بغيره" وبصراحة انت باين الخوف قاتلك والخوف زي ما بقولوا "قطاع الركب".

أبو سعود: وانت لارضيت بمدريد ولا بأوسلو وإجا اللي أسخم منهم وهذي خريطة الطريق ومش عاجباك صراحة "انت مابعجبك العجب ولا الصيام في رجب".

أبو فلسطين: أنا والله بانصحك لكن الظاهر انو "اللي بينصحك زي اللي بيرصعك".

أبو سعود: على العموم " اللي بيجري على الناس بيجري علينا" والمثل بقول "حط راسك بين هالروس وقول يا قطاع الروس".

أبو فلسطين : كل اللي بدي أقوله "داوي جرحك مليح لابيدمي ولا بقيح" واحنا دوانا بها الجهاد المبارك والمقاومة بكل شارع وطريق مش بالجبن والخوف والجري ورا خرابيط الطريق !!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أحمد أبوسمعان
Admin
Admin
avatar

عدد المساهمات : 204
نقاط : 100001724
السٌّمعَة : 9
تاريخ التسجيل : 11/11/2009
العمر : 22
الموقع : www.srfand.yoo7.com

مُساهمةموضوع: رد: حوار فلسطيني بالامثال جدييييييييييييد   24/11/2009, 2:13 pm

What a Face Suspect monkey Sleep Sleep sunny Arrow Neutral Question Exclamation rendeer farao study scratch geek jocolor albino Basketball What a Face Evil or Very Mad هههههههههههههه والله حوار حلووووووو حقيتو نعمله مسرحية خلي كل المدرسة تكيف albino cheers cat pale silent
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://srfand.yoo7.com
شادي
مشرف متخصص
مشرف متخصص
avatar

عدد المساهمات : 152
نقاط : 1426
السٌّمعَة : 0
تاريخ التسجيل : 24/11/2009

مُساهمةموضوع: رد: حوار فلسطيني بالامثال جدييييييييييييد   24/11/2009, 5:36 pm

بارك الله فيك علي الموضوع الجميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شادي
مشرف متخصص
مشرف متخصص
avatar

عدد المساهمات : 152
نقاط : 1426
السٌّمعَة : 0
تاريخ التسجيل : 24/11/2009

مُساهمةموضوع: الله يسلم ايديك اخى مشكور   25/11/2009, 5:53 am

الله يسلم ايديك اخى مشكور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو اسلام
مشرف
مشرف


عدد المساهمات : 41
نقاط : 737
السٌّمعَة : 0
تاريخ التسجيل : 17/11/2009
العمر : 21

مُساهمةموضوع: رد: حوار فلسطيني بالامثال جدييييييييييييد   25/11/2009, 6:32 am

مشكور كتير اخي على هالمسرحية الجميل يسلمو ايديك

Razz Razz Razz Razz Razz Very Happy Very Happy Laughing Laughing
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حوار فلسطيني بالامثال جدييييييييييييد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرسة صرفند الأساسية للبنين :: المنتدى العام-
انتقل الى: